لخبطة وتخبيط في معهدنا العزيز

السلام عليكم ورحمة الله وبركاته

زمان كنا بنسمع سمعة مش مظبوطة عن اكاديمية القاهرة الجديدة ..
يعني من ناحية النتايج والمناهج ,, مرورا بالتسيب والهرجلة من الطلاب ..

لكن الحقيقة وبعد ما نقلت للاكاديمية ( كنت في العبور ) شفت وعرفت بنفسي

لقيت ان الاكاديمية فيها فعلا تعليم بس (( للي عاوز يتعلم ))

لقيت ادارة واعية وحريصة على مصلحة الطلاب حتى صاحب الكلية انسان محترم جدا مش محتاج يستخدم اساليب نص كم ويحاول يسقط الناس عشان يستفيد مادية , لقيت ناس محترمة بجد

لكن مع الاسف لقيت لخبطة كتيـــــــــــــــــــــــر

يعني انا من ضمن ناس كتير لقيت مادة عندي في الارشاد الترم ده وفي الاساس انا ناجح فيها !!

شيء عجيب ازاي يحصل ؟؟ الله اعلم

طيب ممكن تكون غلطة مطبعية , بس دي مش معايا انا بس انا اعرف اكتر من 10 حصلت معاهم نفس المشكلة

غير اللي ما اعرفهمش طبعا

وده معناه حاجة من اتنين يا اما اهمال من الكنترول وعدم احساس بالمسئولية .
او اننا كنا ناجحين على الحركرك ولما جات اللجنة بتاعة المعادلة خافوا انها تطلب ورق عشوائي للامتحانات عشان يراجعوه فعدلوا غلطتهم ..

بس ما اعتقدش لاني انا متأكد من حلي كويس يعني تقريبا حليت تلتين الاسئلة صح ..

عشان كدة انا قررت اني اخد بيان حالة كل ترم عشان يكون معايا حاجة تثبت نتيجتي عشان لما تحصل تاني اشتكي في الوزارة

وياريت كلكم تعملوا كدة لان بجد انا محروق دمي عالمادة دي

ربنا يوفق الجميع

وياااااارب نخلص على خير